വൈത്തിരി: കേരള പ്രവാസി സംഘം വൈത്തിരി ഏരിയ കൺവൻഷൻ വൈത്തിരി സി ഐ ടി യു ഹാളിൽ ചേർന്നു. ജില്ലാ സെക്രട്ടറിയും, സംസ്ഥാന കമ്മിറ്റിയംഗവുമായ അഡ്വ: സരുൺ മാണി കൺവൻഷൻ ഉദ്‌ഘാടനം ചെയ്തു. സി കെ ഷംസുദ്ദീൻ അധ്യക്ഷത വഹിച്ചു. കൽപറ്റ ഏരിയ സെക്രട്ടറി പി ടി മൻസൂർ, മനാഫ്, ഷാഫി എന്നിവർ സംസാരിച്ചു. ഭാരവാഹികളായി അബ്ദുൽ ഗഫൂർ (പ്രസിഡന്റ്), സി കെ ഷംസുദ്ദീൻ (സെക്രട്ടറി), ഷാഫി (ട്രഷറർ) എന്നിവരെ കൺവൻഷൻ തിരഞ്ഞെടുത്തു.