റിയാദ്: കേളി കലാസാംസ്‌കാരിക വേദി അസീസിയ ഏരിയ യൂണിറ്റ് അംഗം എബ്രഹാം തോമസ്സിന് യാത്രയയപ്പ് നല്‍കി.
മുപ്പത്തിനാല് വര്‍ഷത്തോളമായി റിയാദിലെ ഒരു സ്വകാര്യ കമ്പനിയില്‍ ഫോര്‍ക് ലിഫ്റ്റ് ഓപ്പറേറ്റര്‍, മെഷീന്‍ ഓപ്പറേറ്റര്‍ എന്നീ ജോലികള്‍ ചെയ്തു വരികയായിരുന്നു. പത്തനംതിട്ട കുറച്ചിമുട്ടം സ്വദേശി ആണ്.
അസീസിയയില്‍ വച്ച് നടന്ന യാത്രയയപ്പ് ചടങ്ങില്‍ യൂണിറ്റ് പ്രസിഡന്റ് അജിത് പ്രസാദ് അധ്യക്ഷത വഹിച്ചു. അസീസിയ ഏരിയ രക്ഷാധികാരി സെക്രട്ടറി ഹസ്സന്‍ പുന്നയൂര്‍, ഏരിയ സെക്രട്ടറി റഫീഖ് ചാലിയം, പ്രസിഡന്റ് ഷാജി റസാഖ്, ട്രഷറര്‍ ലജീഷ് നരിക്കോട്, ജോയിന്റ് സെക്രട്ടറി സുഭാഷ്, വൈസ് പ്രസിഡന്റ് അലി പട്ടാമ്പി ഏരിയ കമ്മിറ്റി അംഗങ്ങളായ ഷാജി മൊയ്ദീന്‍, റാഷിഖ് അസീസിയ യൂണിറ്റ് ജോയിന്റ് സെക്രട്ടറി പ്രബീഷ് വൈസ്സ് പ്രസിഡന്റ് മനോഹരന്‍, യൂണിറ്റ് അംഗം അശോകന്‍, എന്നിവര്‍ ആശംസകള്‍ അറിയിച്ചു സംസാരിച്ചു. യൂണിറ്റ് സെക്രട്ടറി സുധീര്‍ പോരേടം യൂണിറ്റിന്റെ ഉപഹാരം നല്‍കി.
യൂണിറ്റ് സെക്രട്ടറി സ്വാഗതവും എബ്രഹാം തോമസ് നന്ദിയും പറഞ്ഞു.
