മസ്കത്ത്: ഒമാനി​ലെ ഹൈമയിൽ വാഹനാപകടത്തിൽ മൂന്ന് ഇന്ത്യക്കാർ മരിച്ചു. അഞ്ച്‌ പേർക്ക് പരിക്ക്‌. ഉത്തർപ്രദേശ്‌ സ്വദേശികളായ ഹെമ റാണി (54),ഇശാൻ ദേശ് ബന്ധു(31), കമലേഷ് ബെർജ (46) എന്നിവരാണ് മരിച്ചത്. പരിക്കേറ്റ മനോഷ്‌, മകൾ ദിക്ഷ, റാം മോഹൻ, മകൾ പ്രിയങ്ക, മരിച്ച കമലേഷിന്റെ മാതാവ് രാധാറാണി എന്നിവരെ പരിക്കുക​ളോടെ ഹൈമ ആശുപ​ത്രിയിൽ പ്രവശേിപ്പിച്ചു. ഒമാൻ കാണാനെത്തിയ സംഘം ശനിയാഴ്ച രാവിലെ സലാലയിൽനിന്ന് മസ്കത്തിലേക്ക് മടങ്ങുന്നതിനിടെയായിരുന്നു അപകടം. ഇവർ സഞ്ചരിച്ചിരുന്ന വാഹനം മുന്നിലുള്ള ട്രക്കുമായി കൂട്ടിയിടിക്കുകയായിരുന്നു.

പരിക്കേറ്റവരിൽ മൂന്നുപേരുടെ നില ഗുരുതരമാണെന്നാണ് അധികൃതർ അറിയിച്ചു. ഉറങ്ങിപ്പോയതാണ് അപകട കാരണമെന്നാണ് പ്രാഥമിക നി​ഗമനം. മൃതദേഹം നിസ്‌വ ആശുപത്രിയിലാണ്‌. റോയൽ ഒമാൻ പൊലീസ് സ്ഥലത്തെത്തി നടപടികൾ സ്വീകരിച്ചു