കുവൈത്ത് സിറ്റി: തൃശ്ശൂർ പഴയന്നൂർ കൊടവമ്പാടത്ത് വീട്ടിൽ കെ.ആർ. രവികുമാർ (57) ഹൃദയാഘാതം മൂലം കുവൈത്തിൽ അന്തരിച്ചു. മംഗഫിലെ താമസസ്ഥലത്താണ് മൃതദേഹം കണ്ടെത്തിയത്. 20 വർഷത്തിലേറെയായി കുവൈത്തിൽ പ്രവാസിയായിരുന്നു.
സ്പെഷലിസ്റ്റ് ടെക്‌നിക്കൽ സർവീസസ് കമ്പനിയിലെ കൺസൾട്ടന്റ് എൻജിനീയറായിരുന്നു. കെഒസിയുടെ ഇൻസ്‌പെക്ഷൻ & കോറോഷൻ ടീം അംഗം കൂടിയായിരുന്നു രവികുമാർ. ഭാര്യ സുപ്രിയ ഏതാനും ദിവസങ്ങൾക്കു മുൻപാണ് നാട്ടിൽ അവധിക്ക് പോയത്. മക്കൾ: ചന്ദന (എൻജിനീയർ, ബെംഗളൂരു), നന്ദന (വിദ്യാർഥിനി, എൻഐടി കോഴിക്കോട്).
പ്രമുഖ സാമൂഹിക സംഘടനയായ സ്വാന്തനം കുവൈത്തിന്റെ സജീവ പ്രവർത്തകനായിരുന്നു. കുവൈത്ത് എൻജിനീയേഴ്‌സ് ഫോറം, ടിഇസി അലമ്നൈ അസോസിയേഷൻ എന്നിവിടങ്ങളിലും അംഗമായിരുന്നു.
