കൊണ്ടോട്ടി: തദ്ദേശ സ്വയം ഭരണ സ്ഥാപനങ്ങളിലേക്ക് നടന്ന തിരഞ്ഞെടുപ്പിൽ വിജയിച്ച പ്രവാസി സംഘം പ്രവർത്തകരായ ജനപ്രതിനിധികളെ കൊണ്ടോട്ടി ഏരിയ കമ്മിറ്റി ആദരിച്ചു. ശിവദാസൻ പി (പള്ളിക്കൽ), അഹമ്മദ് കെ സി (പുളിക്കൽ), ബഷീർ സ്രാമ്പിയേക്കൽ (വാഴക്കാട്), ജാഫർ നാനാക്കൽ (കൊണ്ടോട്ടി), സുലൈമാൻ പിപി (വാഴയൂർ) എന്നിവരെയാണ് ആദരിച്ചത്.
കേരള പ്രവാസി സംഘം മലപ്പുറം ജില്ല സെക്രട്ടറി വി കെ റഊഫ് ഉദ്ഘാടനം നിർവ്വഹിച്ചു. സിപിഐ (എം) ലോക്കൽ കമ്മിറ്റി സെക്രട്ടറി പി കെ മോഹൻദാസ് ആശംസകളർപ്പിച്ചു സംസാരിച്ചു.
